||Sundarakanda ||
|| Sarga 38||( Slokas in English )
हरिः ओम्
Sloka Text in Telugu , Kannada, Gujarati, Devanagari, English
|| ōm tat sat||
sundarakāṁḍa.
atha aṣṭatriṁśassargaḥ
tataḥ sa kapiśārdūlaḥ tēna vākyēna harṣitaḥ|
sītāmuvāca tat śrutvā vākyaṁ vākya viśāradaḥ||1||
yuktarūpaṁ tvayā dēvi bhāṣitaṁ śubhadarśanē|
sadr̥śaṁ strīsvabhāvasya sādhvīnāṁ vinayasya ca||2||
strītvaṁ na tu samartha hi sāgaraṁ vyativartitum|
mā madhiṣṭhāya vistīrṇaṁ śatayōjana māyatam||3||
dvitīyaṁ kāraṇaṁ yacca bravīṣi vinayānvitē|
rāmāt anyasya nārhāmi saṁsparśamiti jānaki||4||
ētat tē dēvi sadr̥śaṁ patnyāstasya mahātmanaḥ|
kā hyānyā tvā mr̥tē dēvi brūyāt vacana mīdr̥śam ||5||
śrōṣyatē caiva kākut-sthaḥ sarvaṁ niravaśēṣataḥ|
cēṣṭhitaṁ ya tvayā dēvi bhāṣitaṁ mamacāgrataḥ|| 6||
kāraṇairbahubhirdēvi rāmapriya cikīrṣayā|
snēhapraskanna manasā mayaitat samudīritam||7||
laṁkāyā duṣpravēśatvāt dustaratvānmahōdadhē|
sāmarthyāt atmanaścaiva mayaitat samudīritam||8||
ichchāmi tvāṁ samānētuṁ adyaiva raghubaṁdhunā|
gurusnēhēna bhaktyā ca nānyathaitat udāhr̥tam||9||
yadi nōtsahasē yātuṁ mayā sārtha maniṁditē|
abjijñānaṁ prayaccha tvaṁ jānīyāt rāghavō hi tat||10||
ēvamuktā hanumatā sītā surasutōpamā|
uvāca vacanaṁ maṁdaṁ bhāṣpapragrathitākṣaram||11||
idaṁ śrēṣṭhaṁ abhijñānaṁ brūyāstvaṁtu mama priyam|
śailasya citrakūṭasya pādē pūrvōttarē purā||12||
tāpasāśramavāsinyāṁ prājyamūlaphalōdakē|
tasmin siddhāśramē dēśē maṁdākinyā hyadūrataḥ||13||
tasyōpavanaṣaṁḍēṣu nānāpuṣpasugaṁdhiṣu|
vihr̥tya salilaklinnā tavāṁkē samupāviśam||14||
tatō māṁsa samāyuktō vāyasaḥ paryatuṁḍayat|
ta mahaṁ lōṣṭamudyamya vārayāmi sma vāyasam||15||
dārayan sa ca māṁ kākaḥ tatraiva parilīyatē|
na cāpyupāraman māṁsāt bhakṣārthī balibhōjanaḥ||16||
utkarṣānāṁ ca raśanāṁ kruddhāyāṁ mayi pakṣiṇi|
srasyamānē ca vasanē tatō dr̥ṣṭvā tvayā hyaham||17||
tvayāpashasitā cāhaṁ kruddhā saṁlakṣitā tadā|
bhakṣagr̥dhnēna kākēna dāritā tvāmupāgatā||18||
asīnasya ca tē śrāṁtā punarutsaṁgamāviśam|
krudhyaṁtī ca prahr̥ṣṭēna tvayāshaṁ parisāṁtvitā||19||
bhāṣpapūrṇa mukhī maṁdaṁ cakṣuṣī parimārjatī|
lakṣitāshaṁ tvayā nātha vāyasēna prakōpitā||20||
pariśramāt prasuptāca rāghavāṁkēspyahaṁ ciram|
paryāyēṇa prasuptaśca mamāṁkē bharatāgrajaḥ||21||
sa tatra punarē vātha vāyasaḥ samupāgamat|
tataḥ supta prabuddhāṁ māṁ rāmasyāṁkāt samutthitam||22||
vāyasaḥ sahasāgamya vidadāra stanāṁtarē|
punaḥ punarathōtpatya vidadāra sa māṁ bhr̥śam||23||
tataḥ samut-kṣitō rāmō muktaiḥ śōṇitabiṁdubhiḥ|
vāyasēna tatastēna balavat kliśyamānayā||24||
sa mayā bōdhitaḥ śrīmān sukhasaṁtaptaḥ paraṁtapaḥ|
sa māṁ dr̥ṣṭvā mahābāhurvitunnāṁ stanayōḥ tadā||25||
aśīviṣa iva kruddhaḥ śvasan vākya mabhāṣata|
kēna tē nāga nāsōru vikṣataṁ vai stanāṁtaram||26||
kaḥ krīḍati sa rōṣēṇa paṁca vaktrēṇa bhōginā|
vīkṣamāṇaḥ tataḥ taṁ vai vāyasaṁ samudaikṣata||27||
nakhaiḥ sarudhiraiḥ tīkṣ-ṇairmāmēvābhimukhaṁ sthitam|
putraḥ kila sa śakrasya vāyasaḥ patatāṁ varaḥ||28||
dharāṁtaragataḥ śīghraṁ pavanasya gatau samaḥ|
tataḥ tasmin mahābāhuḥ kōpasaṁvartitēkṣaṇaḥ||29||
vāyasē kr̥tavān krūrāṁ matiṁ matimatāṁ varaḥ|
sa darbhaṁ saṁstarāt gr̥hya brāhmēṇāstrēṇa yōjayat||30||
sa dīpta iva kālāgnirjajvālābhimukhō dvijam|
sa taṁ pradīptaṁ cikṣēpa darbhaṁ taṁ vāyasaṁ prati||31||
tataḥ taṁ vāyasaṁ darbhassōṁbarēnujagāma ha|
anuśruṣṭaḥ tadā kākō jagāma vividhāṁ gatim||32||
lōkakāma imaṁ lōkaṁ sarvaṁ vai vicacāra ha|
sa pitrā ca parityaktaḥ suraiśca samaharṣibhiḥ||33||
trīn lōkān saṁparikramya tamēva śaraṇaṁ gataḥ|
sa nipatitaṁ bhūmau śaraṇyaḥ śaraṇāgatam||34||
vadhārhamapi kākut-sthaḥ kr̥payā paryapālayat|
na śarma labdhvā lōkēṣu ta mēva śaraṇaṁ gataḥ||35||
paridyūnaṁ viṣaṇṇaṁ ca sa ta māyāṁtaṁ abravīt|
mōghaṁ kartuṁ na śakyaṁ tu brāhmamastraṁ taducyatām||36||
hinastu dakṣiṇākṣi tvacchara ityatha sōbravīt|
tataḥ tasyākṣi kākasya hinasti sma sa dakṣiṇam||37||
datvā sa dakṣiṇaṁ nētraṁ prāṇēbhyaḥ parirakṣitaṁ|
sa rāmāyā namaskr̥tvā rājñē daśarathāya ca||38||
visr̥ṣṭēna vīrēṇa pratipēdē svamālayam|
matkr̥tē kākamātrētu brahmāstraṁ samudīritam||39||
kasmādyōmā harēt tvattaḥ kṣamasē taṁ mahīpatē|
sa kuruṣva mahōtsāhaḥ kr̥pāṁ mayi nararṣabha||40||
tvayā nāthavatī nātha hyanāthā iva dr̥śyatē|
anr̥śaṁsyaṁ parō dharmaḥ tvatta ēva mayā śrutaḥ||41||
jānāmi tvāṁ mahāvīryaṁ mahōtsāhaṁ mahābalam|
apārapāra makṣōbhyaṁ gāṁbhīryāt sāgarōpamam||42||
bhartāraṁ sasamudrāyā dharaṇyā vāsavōpamam|
ēvamastravidāṁ śrēṣṭhaḥ satvavān balavānapi||43||
kimarthaṁ astraṁ rakṣassu na yōjayati rāghavaḥ|
na nāga nāpi gaṁdharvā nāsurā na marudgaṇāḥ||44||
rāmasya samarē vēgaṁ śaktāḥ pratisamādhitum|
tasya vīryavataḥ kaścit yadyasti mayi saṁbhramaḥ||45||
kimarthaṁ na śaraiḥ tīkṣ-ṇaiḥ kṣayaṁ nayati rākṣasān|
bhrāturādēśamādāya lakṣmaṇōvā paraṁtapaḥ||46||
kasya hētōrnamāṁ vīraṁ paritrāti mahābalaḥ|
yadi tau puruṣavyāghrau vāyvagnisama tējasau||47||
surāṇāmapi durdarṣau kimarthaṁ māmupēkṣataḥ|
mamaiva duṣkr̥taṁ kiṁcinmahadasti na saṁśayaḥ||48||
samarthā va pi tau yanmāṁ nāvēkṣētē paraṁtapau|
vaidēhyā vacanaṁ śrutvā karuṇaṁ sāśrubhāṣitam||49||
athābravīnmahātējā hanumānmārutātmajaḥ|
tvacchōkavimukhō rāmō dēvi satyēna tē śapē||50||
rāmē duḥkhābhipannē ca lakṣmaṇaḥ paritapyatē|
kathaṁcit bhavatī dr̥ṣṭā na kālaḥ pariśōcitum||51||
imaṁ muhūrtaṁ duḥkhānāṁ drakṣyasyaṁtamaniṁditē|
tāvubhau puruṣavyāghrau rājaputrau mahābalau||52||
tvaddarśana kr̥tōtsāhau laṁkāṁ bhasmīkariṣyataḥ|
hatvā ca samarē krūraṁ rāvaṇaṁ sa bāṁdhavam||53||
rāghavastvāṁ viśālākṣi nēṣyati svāṁ purīṁ prati|
brūhi yadrāghavō vācyō lakṣmaṇaśca mahābalaḥ||54||
sugrīvō vāpi tējasvī harayōspi samāgataḥ|
ityuktavati tasmiṁśca sītā surasutōpamā||55||
uvāca śōka saṁtaptā hanūmaṁtaṁ plavaṁgamam|
kausalyā lōkabhartāraṁ suṣuvē yaṁ manasvinī||56||
taṁ mamārthē sukham pr̥chca śirasā cābhivādaya|
srajaśca sarvaratnāni priyāyāśca varāṁganā||57||
aiśvaryaṁ ca viśālāyāṁ pr̥thivyāṁ api durlabham|
pitaraṁ mātaraṁ caiva sammānyābhiprasādyaca||58||
anupravrajitō rāmaṁ sumitrā yēna suprajāḥ|
anukūlyēna dharmātmā tyaktvā sukhamanuttamam||59||
anugacchati kākut-sthaṁ bhrātaraṁ pālayan vanē|
siṁhaskaṁdhō mahābāhuḥ manasvī priyadarśanaḥ||60||
pitr̥vat vartatē rāmē mātr̥nmāṁ samācaran|
hriyamāṇāṁ tadā vīrō na tu māṁ vēda lakṣmaṇaḥ||61||
vr̥ddhōpasēvī lakṣmīvān śaktōna bahubhāṣitā|
rājaputtraḥ priyaśrēṣṭhaḥ sadr̥śaḥ śvasurasyamē||62||
mama priyatarō nityaṁ bhrātā rāmasya lakṣmaṇaḥ|
niyuktō dhuri yasyāṁ tu tāmudvahati vīryavān||63||
yaṁ dr̥ṣṭvā rāghavō naiva vr̥ttaṁ āryamanusmarēt|
sa mamārthāya kuśalaṁ vaktavyō vacanānmama||64||
mr̥durnityaṁ śucirdakṣaḥ priyō rāmasya lakṣmaṇaḥ|
yathā hi vānaraśrēṣṭha duḥkhakṣayakarō bhavēt||65||
tvamasmin kāryaniryōgē pramāṇaṁ harisattama||
rāghavaḥ tvatsamāraṁbhānmayi yatnaparō bhavēt||66||
idaṁ brūyāśca mē nāthaṁ śūraṁ rāmaṁ punaḥ punaḥ|
jīvitaṁ dhārayiṣyāmi māsaṁ daśarathātmaja||67||
ūrdhvaṁ māsānna jīvēyaṁ satyē nāhaṁ bravīmi tē|
rāvaṇē nōparuddhāṁ māṁ nikr̥tyā pāpakarmaṇā||68||
trātumarhasi vīra tvaṁ pātāḷādiva kauśikīm|
tatō vastragataṁ muktvā divyaṁ cūḍāmaṇiṁ śubham||69||
pradēyō rāghavāyēti sītā hanumatē dadau|
pratigr̥hya tatō vīrō maṇiratnamanuttamam||70||
aṁguḷyā yōjayāmāsa na hyasya prābhavadbhujaḥ|
maṇiratnaṁ kapivaraḥ pratigr̥hyasbhivādya ca||71||
sītāṁ pradakṣiṇaṁ kr̥tvā praṇataḥ pārśvataḥ sthitaḥ|
harṣēṇa mahatā yuktaḥ sītā darśanajēna saḥ||72||
hr̥dayēna gatō rāmaṁ śarīrēṇa tu viṣṭhitaḥ||73||
maṇivaramupagr̥hya mahārhaṁ janakanr̥pātmajayā dhr̥taṁ prabhāvāt|
giririva pavanāvadhūtamuktaḥ sukhitamanāḥ pratisaṁkramaṁ prapēdē||74||
ityārṣē śrīmadrāmāyaṇē ādikāvyē vālmīkīyē
caturviṁśat sahasrikāyāṁ saṁhitāyām
śrīmatsundarakāṁḍē aṣṭatriṁśassargaḥ ||
|| Om tat sat ||
|| Om tat sat ||